ABŞ-ın yüksək texnologiyalı "Apple” markası dünyanın ən bahalı brendi kimi tanınıb. "APA-ECONOMICS”in xəbərinə görə, brend 153 mlrd. dollar həcmində qiymətləndirilib.
"Millward Brown” agentliyinin illik "BrandZ Top 100” təhqiqatında
bildirilir ki, bununla da "Google”in 5 illik hegemonluğuna son qoyulub.
"Apple”in dəyəri ötən ilki renkinqlə müqayisədə 84% bahalaşaraq 153,3
mlrd. dollara çatıb, "Google”in dəyəri isə 2% ucuzlaşaraq 111,5 mlrd.
dollar təşkil edib. Üçüncü yerdə gələn IBM brendi isə 100,8 mlrd.
dollar qiymətləndirilib.
Dünyanın ən bahalı brendlərinin onluğunu "McDonald’s”, "Microsoft”,
"Coca-Cola”, "AT&T”, "Marlboro”, "China Mobile” və "General
Electric” markaları tamamlayıb. Beləliklə, ilk onluqda 9 ABŞ və bir Çin
brendi qərarlaşıb.
Sürətlə inkişaf edən brend 35-ci pillədə olan "Facebook” sayılıb.
Dünyanın ən populyar sosial şəbəkəsinin dəyəri 246% bahalaşaraq 19,1
mlrd. dollara çatıb.