Reklam çarxının səhifəsinə istifadəçilər "Facebook”dakı oyun və ya digər əlavələrdən keçə biləcək.

Reklama baxmağa görə qonorar məbləğinin reklamverən tərəfindən müəyyən olunacağı nəzərdə tutulur, lakin ilkin mərhələdə bonuslar 1 kredit ("Facebook Credits” - sosial şəbəkənin özünün pul vahidi) dəyərində təyin ediləcək. "Facebook” kreditinin bir vahidi təxminən 0,1 ABŞ dolları təşkil edir.

İstifadəçilərə pul mükafatlarının və ya hədiyyələrin təqdim olunması "TrialPay” şirkəti tərəfindən işlənib hazırlanmış "DealSpot” texnologiyası vasitəsilə həyata keçiriləcək.

Qeyd edək ki, hazırda "Facebook”un istifadəçilərin sayı 600 mln.-dan çoxdur. "eMarketer” agentliyinin hesablamalarına görə, "Facebook”un 2011-ci ildə reklamdan əldə edəcəyi mədaxil 2010-cu illə müqayisədə 2 dəfə artaraq 4,05 mlrd. dollara çata bilər.