İspaniyada güclü zəlzələdən
zərər çəkmiş Lorka şəhərinin yerləşdiyi Mursiya regionunda üç günlük
matəm elan olunub.
Rəsmi məlumatlara görə zəlzələ nəticəsində 10 nəfər ölüb, 170-dək adam
xəsarət alıb. Ölənlər arasında hamilə qadın və 14 yaşlı yeniyetmə də
var. İki nəfər öz evlərində, digərləri isə küçədə olarkən ölüb. Şəhərin
küçələrində və ətraf qəsəbələrdə çadır düşərgələri təşkil olunub. Zərər
çəkmiş ərazidə sakinlərə köməklik göstərilməsinə ordunun 470 hərbçisi
cəlb olunub.
İspaniya baş nazirinin müavini, daxili işlər və müdafiə nazirləri təbii
fəlakət zonasına baş çəkiblər.