Ali məktəblərin IV ixtisas qrupu üzrə keçirilmiş qəbul imtahanının nəticələrinə əsasən, xüsusi qabiliyyət tələb edən ixtisaslar üzrə müsabiqə şərtlərində dəyişiklik edilib. Tələbə Qəbulu üzrə Dövlət Komissiyasının (TQDK) mətbuat xidmətindən  verilən məlumata görə, bədən tərbiyəsi və idman istiqaməti üzrə dövlət sifarişli ixtisaslar üzrə müsabiqəyə buraxılmaq üçün tələb olunan bal 150-dən 100-ə, ödənişli ixtisaslarda müsabiqəyə buraxılma balı isə 100-dən 75-ə endirilib.