ABŞ-ın şərq sahillərinə çatan "Iren” qasırğası Şimali Karolina, Virciniya, Merilend ştatlarında və Kolumbiya dairəsində bir milyon insanı elektrik enerjisiz qoyub.

Təbii fəlakətdən ilk zərbə Şimali Karolinaya dəyib. Orada elektrik məftillərinin qırılması səbəbindən on minlərlə evin elektrik enerjisi təminatı dayanıb.

Şimali Karolina və Virciniya ştatlarında 4 nəfər qasırğanın qurbanı olub. Sahilyanı ərazilərdə daşqınlar baş verib, küçələr su altında qalıb.
Hal-hazırda qasırğa Norfolk şəhərinə yaxınlaşır. Bu şəhərdə ABŞ-ın ən iri hərbi bazası yerləşir.