Qalib 28 yaşlı gənc sahibkar Elxan Köçərlidir.

Bu gün "Porsche Cayenne” Bakı Mərkəzində keçirilən mərasimdə qalibə yeni avtomobilin rəmzi açarları təqdim olunub. "Bakcell”in baş icraçı direktoru Riçard Şirer kampaniyanın tamamilə şəffaf keçirildiyini bildirib: "Belə kampaniyaların şəffaf keçirilməsi üçün bütün tədbirlər görülüb”. R.Şirer belə kampaniyaların davam etdiriləcəyini istisna etməyib.

"Porsche Cayenne” almaq üçün pul topladığını deyən E.Köçərli bildirib ki, «Bakcell»in bu kampaniyasında da bəxtini sınamağı qərara alıb və qalib olub.

Qeyd edək ki, «70 gün ərzində bir «Porsche Cayenne» və 79 min manat qazan!» kampaniyası 2011-ci il fevralın 1-dən aprelin 11-dək keçirilib. SMS viktorinada iştirak etmək üçün "Bakcell” abunəçiləri 333 qısa nömrəsindən göndərilən qısa SMS suala cavab verməklə gündəlik və həftəlik hədiyyələr qazanmaq imkanı əldə edirlər. Şirkətdən verilən məlumata görə, bu kampaniya çərçivəsində 59 iştirakçı gündəlik 1000 manat, 10 iştirakçı isə (kampaniyanın keçirildiyi 10 həftə ərzində hər həftənin qalibi) 2 min manat qazanıb. Kampaniyanın qalibləri Qiymətli Kağızlar üzrə Dövlət Komitəsi tərəfindən təsdiqlənmiş Tiraj Komissiyasının iştirakı ilə elektron püşkatma vasitəsilə seçilib. Gündəlik, həftəlik və əsas mükafat olan «Porsche Cayenne»dən başqa, iştirakçılar lotereyada laptop, İ-Phone və 100 manat məbləğində əlavə uduşlara sahib olub. Bütün qaliblər elektron püşkatma sistemi ilə seçilib.