BBC-yə istinadən bildirir ki, hakim "Vahid Rusiya" partiyası və Vladimir Putinin "Ümumrusiya xalq cəbhəsi" təşəbbüsünə qoşulan ictimai qurumlar müəyyən vahid xartiyanı yaxud memorandumu müzakirə etməlidirlər.

Xalq cəbhəsi təşəbbüsünü Vladimir Putin bugünlərdə səsləndirib. O bildirib ki, bütün siyasi strukturlar öz təklif və fikirlərini ifadə etməkdə bərabər hüquqlara malik omalıdırlar və onların nümayəndələri parlamentə "Vahid Rusiya"nın siyahısıyla keçə bilərlər.

Müşahidəçilərə görə, hakim partiyanın başçısı olan baş nazir bu ilin sonunda keçirilməsi Duma seçkilərinə daha çeşidli siyasi fiqurları təqdim etmək istəyir. Bu da, rəylərə görə, ancaq "Vahid Rusiya" partiyasının verdiyi nəticədən daha yaxşı nəticələr verə bilər. Rəylərə görə, indi seçkilər ərəfəsində elektoratın ölkənin sorğulara görə, hələ də ən populyar siyasətçisi qalan Vladimir Putin fiquru ətrafında birləşdirmək cəhdi edilir. Özüdə lazımı nəticə üçün daha geniş spektr götürülür, beləki, Vladimir Putinin fərdi reytinqi həmişə hakim partiyanın reytinqindən yüksək olub. Son 6 ayda, sorğulara görə, hakim partiyaya etimad 50 faizdən 43 faizə düşüb. Vladimir Putinə fərdi etimad səviyyəsi bir qədər düşsə də 50 faizdən yuxarı qalır.

Duma seçkilərindən isə, müşahidəçilərə görə, çox şey asılıdır. Məhz hakim partiyanın hansı nəticə göstərməsi Vladimir Putinin prezident seçkilərinə gedib getməməsini həll edə bilər. Parlamernt seçkilərində yüksək nəticələr, rəylərə görə, baş naziri yenidən prezident kürsüsünə yiyələnməyə həvəsləndirə bilər.