Rusiyada
meşə yanğınlarının ərazisi hər gün daha da genişlənir. Fövqəladə hallar
nazirliyinin məlumatına görə, son sutkalar ərzində meşə yanğınlarının
sahəsi 5000 hektar artıb. Sverdlovsk, Bryansk, Voronej, Moskva və
Yaroslav vilayətlərində vəziyyətin xüsusilə ağırlaşacağı
proqnozlaşdırılır.
Sibir bölgəsində hazırda 32 iri yanğın ocağı qeydə alınıb. Alov 204
hektar ərazini öz cənginə alıb. Meşə yanğınlarının baş verməsinə səbəb
kimi isə insan amili göstərilir. Alovun qarşısını almaq üçün 1000-dən
çox adam və 300-ə yaxın texnika cəlb olunub.