Türkiyəyə
işləmək üçün gedən 6 Gürcüstan vətəndaşı onları işlə təmin edən yaşlı
ər və arvadın əllərini bağlayaraq onlara işkəncə verib.Hadisə Rize
vilayətinin Ardeşen rayonunda baş verib. Hadisə nəticəsində 83 yaşlı ər
Hikmət Akagündüz ölüb, onun yaşıdı olan həyat yoldaşı Aytən Akagündüz
isə özünü ölülüyə vuraraq xias ola bilib.
Qeyd edək ki, Gürcüstandan bu rayona işləmək üçün gələn gürcülər
onların həyətyanı sahəsində işləmək üçün yaşlı cütlüklə razılaşıb.
Keçən il də cütlüyə aid çay plantasiyasında işləyən gürcülər bir müddət
sonra yaşlıların əlini-qolunu bağlayaraq onlara işkəncə verməyə
başlayıblar. Daha sonra cütlüyün öldüyünü hesab edən işçilər evdə olan
2 600 lirə (təxminən 1 300 manat) və qızıl-zinət əşyalarını götürərək
qaçıblar.
Sürünərək eyvana çıxan Aytən A. qonşuları səsləyərək onlardan kömək
istəyib. Qonşuların yardımı ilə xəstəxanaya çatdırılan yaşlı qadının
qabırğaları və bədənin müxtəlif sümükləri sınıb.
Polis isə keçirdiyi operativ-əməliyyat tədbirləri nəticəsində qarətçi gürcüləri artıq yaxalayıb.
Xatırladaq ki, daha əvvəl Türkiyəyə gəlin köçən Gürcüstan vətəndaşı anasının yardımı ilə 9 yaşlı ögey oğlunu öldürmüş, onun cəsədini parçalayaraq müxtəlif küçələrə atarkən polis tərəfindən yaxalanmışdı.