Yeni Zelandiyada yeni dünyaya gəlmiş körpəni Lüsifer (İblis) adlandırmaq istəyən valideynlərin tələbi rədd olunub.
Onlar üç dəfə müraciət etsələr də, meriya oğlan uşağının İblisin adını daşımasını absurd sayıb.

İlin əvvəlindən bəri Yeni Zelandiyanın müvafiq dövlət qurumları 100-ə yaxın eybəcər adı rədd edib ki, onların arasında "Məsih", "89" və hətta sadəcə, "C" vardı.

Oklend şəhərində gənc ata və ana qızlarını "Talula Does The Hula From Hawaii" adlandırmaq istəsələr də, buna icazə verilməyib. Amma onların oğullarına seçdikləri "Number 16 Bus Shelter" adı qəbul olunub.

Yeni Zelandiyada uşaqlara "Baron", "Yepiskop", "Hersoq", "General", "Hakim", "Kral", "Cəngavər" və "Cənab" adlarının verilməsi də qadağandır.