WE_ARE_FREE

Development

SuckeR_PuncH — Mon, 02 Apr 2012 16:48:30 GMT

WE DEVELOPE STEP BY STEP. JOIN US AND BE FREE

How to make Maxtrix code on computer

SuckeR_PuncH — Mon, 05 Mar 2012 17:11:40 GMT

@echo off
title entering the matrix
color 02
:start
echo 6 7 8 3 9 3 8 3 7 8 4 6 7 8 3 6 1 7 4 5 8 8 3 8 3 3 6 2 6 2 1 7 3 4 6 3 4 5 4
echo 7 6 7 6 3 7 4 7 2 4 4 1 4 5 6 1 5 2 7 0 8 4 6 1 6 7 1 5 7 3 2 1 5 6 2 8 0 0 4
echo 7 4 5 8 4 7 2 4 2 3 6 9 0 4 2 5 7 4 6 2 6 7 1 5 2 2 7 9 4 3 2 8 2 9 0 2 0 1 4
goto start

İranın Rusiyadakı səfiri xəbərdarlıq etdi

SuckeR_PuncH — Thu, 16 Feb 2012 15:22:36 GMT

İranın Rusiyadakı səfiri xəbərdarlıq etdi

"Əgər Qərb İranı işğal etməyə nail olarsa, o halda Rusiya əleyhinə geniş cəbhə açılacaq”

2/16/2012 7:56:41 AM

"Əgər Qərb İranı işğal etməyə nail olarsa, o halda Rusiya əleyhinə geniş cəbhə açılacaq”.
Rusiya mətbuatının verdiyi məlumata görə, bunu bu gün İranın Rusiyadakı səfiri Mahmud Reza Sacadi Moskvada keçirdiyi brifinqdə söyləyib.
Mahmud Reza Sacadi deyib ki, İranın Rusiyanı cənubdan qoruduğu sirr deyil. Bununla belə, o, ölkəsinin istənilən hərbi zərbəyə cavab verməyə hazır olduğunu da bəyan edib. Mahmud Reza Sacadi Tehranın enerji istehsalı məqsədi ilə nüvə proqramı həyata keçirdiyini vurğulayıb.

lent

“Məhkumların hər zaman mənəvi dəstəyə ehtiyacı var”

SuckeR_PuncH — Thu, 16 Feb 2012 15:22:14 GMT

"Məhkumların hər zaman mənəvi dəstəyə ehtiyacı var”

"Məhkumlara nə qədər dəstək olsaq, cəzaçəkmə müəssisələrində xoşagəlməz hadisələrin sayı bir o qədər az olar”

2/16/2012 8:29:09 AM

Bunu Ədliyyə Nazirliyinin Cəzaların icrasına nəzarət üzrə müfəttişliyin rəisi Malik Ələkbərov ədliyyə naziri yanında İctimai Komitənin üzvlərinin Seçki Komissiyası ilə hesabat görüşündə çıxışında deyib. M. Ələkbərov cəzaçəkmənin ilkin mərhələsində olan məhkumların mənəvi dəstəyə ehtiyacı olduğunu bildirib: "Ədliyyə naziri yanında İctimai Komitənin üzvləri cəzaçəkmə müəssisələrində məhkumlara mənəvi yardım göstərirlər. Bu çox təqdirəlayiq haldır. Bəzən məhkumların yemək qəbulundan imtina etməsinə və intihar etmək istəməsi hallarına rast gəlinir. Məhkumlara nə qədər dəstək olsaq, cəzaçəkmə müəssisələrində xoşagəlməz hadisələrin də sayı bir o qədər az olar”.

Seçki Komissiyasının üzvü, Azərbaycan Prezidenti Yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev isə İctimai Komitə ilə sıx əməkdaşlıq etdiklərini deyib.

Qeyd edək ki, bu gün Ədliyyə naziri yanında İctimai Komitənin üzvlərinin Seçki Komissiyası ilə hesabat görüşü keçirilib. Görüşdə İctimai Komitənin illik hesabatı dinlənilib.

Türkiyə Azərbaycandan viza rejiminin ləğvini gözləyir

SuckeR_PuncH — Thu, 16 Feb 2012 15:21:55 GMT

Türkiyə Azərbaycandan viza rejiminin ləğvini gözləyir

Zəfər Cağlayan Azərbaycanın Türkiyə vətəndaşlarına tətbiq etdiyi viza rejimini ləğv etməsini arzuladıqlarını bildirib.

2/16/2012 8:25:56 AM

Gürcüstan paytaxtında keçirilən üçtərəfli biznes-forumda çıxış edən Türkiyənin iqtisadiyyat naziri Zəfər Cağlayan Azərbaycanın Türkiyə vətəndaşlarına tətbiq etdiyi viza rejimini ləğv etməsini arzuladıqlarını bildirib.Nazir deyib ki, bu gün Türkiyə və Gürcüstan iş adamları yalnız kimlik (şəxsiyyət vəsiqəsi) göstərərək sərhədi keçirlər: "Ümid edirik ki, Türkiyədən Azərbaycana gedişlərimiz də beləcə asanlaşacaq”.

Türkiyə Palatalar və Birjalar Birliyinin (Türkiye Odalar ve Borsalar Birliyi – TOBB) prezidenti Rıfat Hisarcıklıoğlu da forumdakı çıxışında bu mövzuda fikirlərini açıqlayıb: "Biz ortaq ticarət həyata keçirmək üçün gediş-gəliş məsələlərini asanlaşdırmalıyıq. Bu gün Türkiyə və Gürcüstan vətəndaşları kimliklə gedib-gəlirlər. Bu, çox gözəl bir hadisədir. Bizdən pasport tələb edən yoxdur. Bu işi biz azəri qardaşlarımızdan da gözləyirik. Qardaş-qardaşın evinə viza ilə gedərmi? Bizə rahatlıqla gedib-gəlmək lazımdır. Zəngin olmağın yolu budur. Dünyaya baxın. Xalqların zənginliyi ticarətdən keçir. Bu məsələni Azərbaycan, Gürcüstan və Türkiyə olaraq həll etməliyik”.

Partlayış baş verən gəmi Qazaxıstana məxsus deyil

SuckeR_PuncH — Thu, 16 Feb 2012 15:21:36 GMT

Partlayış baş verən gəmi Qazaxıstana məxsus deyil

Ölən şəxslərin adları açıqlandı

2/16/2012 8:23:43 AM

Bu gün Bakıda partlayış baş vermiş gəminin Qazaxıstan şirkətinə məxsus olmadığı aydınlaşıb.Partlayış baş verən gəmi "PTS 225 Mərdəkan” gəmisidir. Gəminin Azərbaycanın DSP şirkətinə məxsus olduğu bildirilir.

Partlayış zamanı gəmidə həlak olan şəxslərin adları da açıqlanıb:

Kapitan - 1964-cü il təvəllüdlü Xalatuyev Hacı Həsən oğlu
Mexanik - Sahib Beydullayev
Motorçu - 1965-ci il təvəllüdlü Maarif Ağayev
Qaynaqçı - 1960-cı il təvəllüdlü Hacıyev Mehman Cəmil oğlu

Qeyd edək ki, hadisə bu gün Xəzər dənizinin Azərbaycan sahillərində Xətai rayonu, Zığ şosesi, 57-ci quru yük limanı adlanan ərazidə, "Nargilə” kafesinin arxa hissəsində baş verib. Hadisə yerinə Bakı şəhər Prokuroru Əziz Seyidov, Su nəqliyyatında Baş Polis İdarəsinin rəisi polkovnik Naib Əkbərov, Xətai RPİ-nin rəisi, həmçinin rayon prokuroru və digər rəhbər şəxslər yollanıb.

Hadisə ilə bağlı Fövqəladə Hallar Nazirliyi məlumat yayıb. Məlumatda bildirilir ki, Bakı şəhəri, Xətai rayonunda Zığ limanında balıqçı gəmisində partlayış baş verib. İlkin məlumata görə, təmir işləri zamanı yaranmış partlayış yanğınla nəticələnib. Yanğın saat 14:10-da yanğınsöndürənlər tərəfindən söndürülüb. Hadisə yerinin kəşfiyyatı zamanı şəxsiyyəti məlum olmayan 4 nəfərin cəsədi aşkarlanıb. Hadisə ilə əlaqədar müvafiq qurumlar tərəfindən təhqiqat aparılır.

Prezident seçkilərində Sarkozinin rəqibləri kimlərdi?

SuckeR_PuncH — Thu, 16 Feb 2012 15:21:16 GMT

Prezident seçkilərində Sarkozinin rəqibləri kimlərdi?

Fransada prezident seçkilərinin I turu aprelin 22-si, II turu isə mayın 6-da keçiriləcək.

2/16/2012 7:39:25 AM

Prezidentliyə namizədliyini irəli sürmüş şəxsləri oxuculara təqdim edirik:

Xalq Hərəkatı Uğrunda İttifaq Partiyası (Union pour un Mouvement Populaire, UMP)
Hazırkı prezident Nikolya Sarkozi növbəti dəfə prezident seçilmək üçün bir neçə gün öncə namizədliyini rəsmən irəli sürdü. Əgər o, hər hansı bir səbəbdən namizədliyini geri götürərsə, o zaman:

Alan Jüppe - Xarici işlər naziri. Sarkozinin namizədliyi götürəcəyi təqdirsə prezident seçilmək istəyir amma, Jüppe çıxışında prezidentliyə yeganə layiqli insan olaraq Sarkozini göstərib.

Xavyer Bertrand - Sosial müdafiə naziri.

Sosialist Partiyası (Parti socialiste, PS)
Fransua Holland - Fransanın Korreze əyalətinin baş konsuludur.

Xalq Cəbhəsi Partiyası (Front national, FN)
Marin Le Pen - 43 yaşlı xanım Le Pen XCP-nin sədri və Avropa Parlamentinin üzvüdür.

Yaşıllar Partiyası (Europe Écologie–Les Verts)
Eva Coli - Avropa Parlamentinin üzvüdür.

Demokratik Hərəkat Partiyası (Mouvement démocrate, MoDem)
Fransua Bayrou - DHP-nin lideridir.

Digər:
Kendra Drayder - 32 yaşlı niqablı xanım siyasətçi.

“Sony Ericsson” “Sony Mobile” oldu

SuckeR_PuncH — Thu, 16 Feb 2012 15:20:55 GMT

"Sony Ericsson” "Sony Mobile” oldu

Yaponiyanın "Sony” şirkəti İsveçin "Ericsson” şirkəti ilə birgə yaratdığı "Sony Ericsson” müəssisəsində ikincinin səhmləri alıb.

2/16/2012 8:11:35 AM

"Sony” şirkətinin yaydığı məlumatda qeyd edilir ki, "Sony Ericsson” müəssisəsi bundan sonra "Sony Mobile Communications” adlanacaq.

"Sony Mobile” mobil qurğular istehsalını davam etdirəcək və "Sony” şirkətinin bölmələrindən biri olacaq. Yeni müəssisənin buraxdığı ilk smartfonun fevralın 27-də Barselonada keçiriləcək sərgidə nümayiş etdirilməsi gözlənilir.

Dünyada yaşanan aclıqla bağlı qlobal hesabat

SuckeR_PuncH — Thu, 16 Feb 2012 15:20:30 GMT

Hər saat 300 uşaq aclıqdan ölür

Tədbirlər görülməsə, 2025-ci ilə qədər 450 milyon uşaq aclıqdan öləcək

2/16/2012 7:51:40 AM

Dünyada yaşanan aclıqla bağlı qlobal hesabat təqdim edilib. İngitlərənin "Save The Children” insanlara yardım təşkilatı "2011 Dünya Aclıq İndeksi" hesabatında şokedici nəticələr açıqlayıb. Hesabatda "Aclıqla mübarizəyə baxmayaraq vəziyyət pisdir” deyilir. Bildirilir ki, hər dörd uşaqdan biri kifayət qədər qidalanmır, saatda 300 uşaq aclıqdan ölür. Bu vəziyyətin Afrikada xüsusilə acınacaqlı olduğu vurğulanır.

Təşkilat gələcək 15 ildə yarım milyard uşağın aclıq təhlükəsi ilə üz-üzə olduğunu xəbər verir. Son 20 ildə qlobal aclıq indeksində enmə olsa da, xüsusilə Afrikadakı bəzi ölkələrdə uşaqların qidalanma vəziyyəti 1990-cı illərlə müqayisədə indi daha da pisdir.

Həmin ölkələr arasında Afrikada-Konqo, Burundi, Komoros, Svazilend, Somali və Fildişi Sahili, Asiyada-Şimali Koreyadır. Somalidə 50-100 min arasında insanın aclıqdan öldüyü bildirilir. Bunların böyük əksəriyyəti uşaqlardır.

"Save The Children" xəbərdarlıq edir ki, bu problemə qarşı tədbirlər görülməsə, 2025-ci ilə qədər 450 milyon uşaq aclıqdan öləcək.

ans

“QƏDDAFİ GETDİ, NÖVBƏ SƏNİNDİ ƏSƏD!”...

SuckeR_PuncH — Sun, 28 Aug 2011 10:53:32 GMT

"QƏDDAFİ GETDİ, NÖVBƏ SƏNİNDİ ƏSƏD!”...
	Suriya yenə qana boyandı
Suriyada növbəti cümə günü də qan tökülüb.Avqustun 26-da cümə namazından sonra ölkənin bir çox şəhərlərində hökumətə qarşı etiraz aksiyaları keçirilib, prezident Bəşər Əsədin istefası tələb olunub. Paytaxt Dəməşqin ətrafındakı qəsəbələrdə keçirilən aksiyalarda "Qəddafi getdi, növbədə sənsən Əsəd!” şüarı səsləndirilib. Türkiyə sərhədləri yaxınlığındakı İdlib, o cümlədən Humus və Hama şəhərlərində də aksiyalar keçirilib. Polisin atəş açması nəticəsində ən azı 8 nəfər həyatını itirib. Bu arada "Hizbullah” Hərəkatının lideri Şeyx Hasan Nəsrallah Suriya prezidenti Bəşər Əsədə dəstək verib. "Hizbullah” lideri televiziya ilə çıxışında deyib ki, Suriya İsrailə qarşı çıxan qrupları dəstəklədiyi üçün xarici qüvvələr tərəfindən qurban qismində seçilib və məqsəd məzhəb savaşına yol açmaqla Suriyanı parçalamaqdır.