Bu gün Azərbaycan Dillər Universitetinin İnformasiya Resurs Kompleksində Amerika təhsil yarmarkası keçirilib. Universitetin mətbuat xidmətindən ANS PRESS-ə verilən məlumata görə, yarmarka ABŞ Təhsil Qrupu və Bakı Təhsil Məlumat Mərkəzinin (BTMM) təşkilatçılığı ilə baş tutub. Yarmarkada ABŞ-ın Azərbaycandakı səfirliyinin ictimaiyyətlə əlaqələr şöbəsinin müdiri Terri Devidson, Amerika və Azərbaycan universitetlərini bitirən müxtəlif universitetlərin məzunları, o cümlədən tələbələr iştirak edib.

Yarmarkada təmsil olunan universitetlərin nümayəndələri qonaqlara ABŞ-da təhsil imkanları barədə ətraflı məlumat verilib. Təhsil yarmarkasında ABŞ-da təhsil almaq istəyən gənclər müxtəlif universitetlərin fəaliyyətini əks etdirən buklet və materiallarla tanış olublar.

Qeyd edək ki, sərgidə ABŞ-ın 9 ali təhsil ocağı, o cümlədən San-Dieqo, Kaliforniya-San Dieqo, Kolorado-Bulder universitetləri təmsil olunub.

mene kimse basa sala biler tehsil yarmarkasi nedii???)))