|
Main » 2011 » April » 1 » SUCKER_PUNCH
|
Söhbət 2 aprel mitinqi ilə bağlı olub
AXCP sədri Əli Kərimli dəvət olunduğu Bakı şəhər Baş Polis
İdarəsində görüşünü başa vuraraq binanı tərk edib. Binanın qarşısında
jurnalistlərə açıqlama verən Əli Kərimli bildirib ki, İdarədə onunla
Bakı polisinin rəisi Rafiq Abbasov və şəhər prokuroru Əziz Seyidov
görüşüb. Onlar AXCP sədrinə bildiriblər ki, Bakı şəhər İcra
Hakimiyyəti aprelin 2-də mitinqin şəhərin mərkəzində keçirilməsinə
icazə verməyib, başqa yer təklif edib. Buna görə də müxalifət elan
etdiyi Fəvvarələr meydanıənda mitinq keçirə bilməz. AXCP sədri də
onlara cavab verib ki, Konstitusiya onlara sərbəst toplaşmaq azadlığı
var. Bunu Azərbaycanın qoşulduğu beynəlxalq konvensiyalar da təmin
edir. Bakı şəhər İcra Hakimiyyətinin sərbəst toplaşmaqla bağlı qərar
verməyə hüququ yoxdur. Onun verdiyi qərar qanuna ziddir. Buna görə də
İctimai Palata aprelin 2-də təyin etdiyi yerdə mitinqini keçirəcək. Polis
rəisi və prokuror belə olan halda ictimai asayişin pozula biləcəyindən
narahatlıqlarını diqqətə çatdırıblar. AXCP sədri isə əmin edib ki,
mitinq iştirakçıları insidentə səbəb olacaq hər hansı hərəkətə və
zorakılığa yol verməyəcəklər. Əli Kərimli diqqətə çatdırıb ki, mitinqin
qətnaməsində də aksiyanın dinc xarakterli olcağı birmənalı şıkildə qeyd
olunub. Əgər kənar qüvvələrin müdaxiləsi ilə insident yaradılmasa,
aksiya dinc məcrasından çıxmayacaq. Hüquq mühafizə orqanlarının borcu
isə məhz aksiyaya kənar müdaxilələrin qarşısını almaqdır. AXCP sədri
jurnalistlərə deyib ki, görüşdə polis rəisinə və prokurora mitinq
öncəsi fəalların həbsi ilə bağlı narahatlığını çatdırıb. Onlar isə
həbslərin mitinqlə əlaqəsini inkar ediblər. Qeyd edək ki, Əli
Kərimlinin BŞBPİ-yə dəvət olunması ilə əlaqədar İdarənin qarşısına
çoxlu sayda jurnalistlərlə yanaşı ATƏT-in, Avropa Birliyinin və
Britaniya səfirliyinin nümayəndələri də gediblər.
|
Views: 559 |
Added by: SuckeR_PuncH
| Rating: 0.0/0 |
|
Our poll
Statistics
Total online: 1 Guests: 1 Users: 0
|
| | |