Pakistan hökumət onun evinin ziyarətgaha çevrilə biləcəyindən ehtiyat edir
Pakistan
hökuməti Amerika Birləşmiş Ştatlarının bir nömrəli terrorçu elan etdiyi
Üsamə bin Ladenin Abodabadda öldürüldüyü evi uçurmağa hazırlaşır.
Pakistan mətbuatının yaydığı məlumata görə, hökumət bu addımı atmaqla
"Əl Qaidə” liderinin evinin ziyarətgaha çevrilməsinin və gələcəkdə onun
müqəddəs məkana dönməsinin qarşısını almaq istəyir.
Qəzza zolağında Vittorio Arriqani adlı İtalyan sülhməramlısı radikal qruplaşma tərəfindən qaçırılıb. Qrup Youtube video portalında yaydığı bir videoda qaçırdıqları İtalyan qarşılığında HƏMAS hökuməti tərəfindən həbs olunan qrup liderləri və üzvlərinin 30 saat ərzində buraxılmasını tələb edib. Əl-Qaidə ilə əlaqəli olduğunu bildirən qruplaşma tələbləri yerinə yetirilməyəcəyi halda İtaliya vətəndaşının öldürüləcəyi ilə hədələyib. Bir qədər sonra isə Qəzza zolağında sahibsiz evlərdən birində İtalyan sülhməramlısının meyidi tapılıb. HƏMAS nümayəndələrinin məlumatına görə, sülhməramlı "İslam ordusu" adlı qruplaşma tərəfindən qaçırılaraq öldürülüb